GWAPOMAN formerly known as METROMAN (CHAPTER 1)

Chapter 1 (KABUTIHAN)

And they lived happily ever after. Yan ang karaniwang ending ng mga nababasa nating kwento pero dito ko siya nilagay sa simula. Uumpisahan natin itong kwento sa isang napakalayong lugar, (as in malayo talaga, di ko nga alam kung saan e) na napakaraming nakatirang pangit. Super dami ang panget kaya if ever na beautician ka, malaki ang kikitain mo dito. Ang lugar na ito, na tatawagin na lang nating Garlalu ay may isang nakatirang nilalang na papangalanin nating Mama Jam. Namumuhay siya bilang isang bakla at meron siyang isang bonggang parlor. Masaya siya sa kanyang trabaho at mga extra churva na ginagawa nya roon. Subalit isang araw, may dumating na kakaibang bisita…

Royal Guard1: (katok) May tao ba rito?!
Mama Jam: (binuksan ang pinto) Tao wala, pero Diyosa meron! Anong problema? Magpapamanicure ka ba?
Royal Guard1: Hinde magpapatuli kame! Dyok lang! Ang totoo, may nakalap kaming impormasyon na nagbebenta ka raw ng pekeng cosmetics!
Mama Jam: Peke?! Aba aba aba! Wag nyo nga akong pinagbibintangan ng ganyan! Peke akong babae pero hindi ako nagbebenta ng peke!
Royal Guard1: Kung gayon, papasukin mo kame at nang mahalughog naming ang iyong parlor! (sabay tulak kay Mama Jam) Mga bata! Gawin nyo na ang dapat nyong gawin!
Royal Guard3: Yung ano ser? Yung magpatuli?
Royal Guard1: Bobo! Halughugin nyo ang parlor!

(Hinalughog ang buong parlor)

Mama Jam: Hoy hoy hoy teka! Ano ba kayo! Wala ba kayong galang at basta basta na lang kayong pumapasok dito? Atsaka (inamoy ang isang gwardya) ambabaho nyo! O ingatan nyo yang vase ko!

(lumapit ang isang Royal Guard)

Royal Guard2: Bossing! May nakita ako… (pinakita) isang pekeng foot powder!!!!
Mama Jam: Ano?! Imposible yan!
Royal Guard1: O ano ka ngayon?! Paano mo maipapaliwanag ang mga ito?! Ha?! Mama Jam: Hindeeeee!!!!! Planted ang ebidensya! Imposible yan!
Royal Guard1: Nagpapalusot ka pa! Mga bata, dalhin nyo na to, isara nyo na rin itong parlor!
Mama Jam: Subukan nyo! Dadakmain ko yang…
Royal Guard2: Huwag ka nang pumalag! (pinosasan kaagad ang mga kamay ni Mama Jam)

Wala nang nagawa pa si Mama Jam. Napilitan na lang siyang isuko ang kanyang sarili at nagbakasakaling maipapaliwanang na lang nya ang mga pangyayari sa harap ng husgado.

Habang nilalayo si Mama Jam at isinasara ang parlor, may isang anino na may kumikinang na paa ang patagong lumapit kay Royal Guard2…

Anino with shining foot: Ayos yang ginawa nyo ah… (sabay ngisi)
Royal Guard2: Uy ikaw pala! Hehehe. Oo naman gagandahan namin ang trabaho basta para sa kabutihan. … Syanga pala, dinala mo ba yung “kabutihan”?
Anino with shining foot: Korni mo talaga… Hehehe… Oo naman, dala ko… (sabay abot ng isang supot) Eto, apat na kilong gintong kabute… Bonus pa lang yan ha… Ibili mo ng babae, pagkain, alak at sasakyan…
Royal Guard2: (kinuha) Maganda to! Siguradong walang sabit to! Hehehe…
Anino with shining foot: Siguraduhin mo lang na hindi ako sasabit diyan…
Royal Guard2: Magtiwala ka sa akin, malinis ang pagkakagawa nito… Malakas tayo…
Anino with shining foot: Mabuti naman kung ganun…
Royal Guard2: o sige maiwan ka na muna dyan at marami pa kaming dapat gawin… Babush!

Nagpaalam at sumibat na ang guwardiya. Naiwan yung anino na nakangising nagmumuni-muni sa harap ng parlor ni Mama Jam…

Anino with shining foot: (Ngayong wala na tong parlor ni Mama Jam, ako, si Boy Paa, ang magiging pinakamayamang bakla sa buong mundo! Bwahaahahaha!!!)



TO BE CONTINUED...





posted by
zuluwashere