GWAPOMAN (CHAPTER 7)

Chapter 7 (Rei)

Ang nakaraan: Pinakawalan ni Death Afro ang kanyang pinakamalakas na kapangyarihan habang pinakita naman ni “boses” ang lakas ng kanyang sandata. Nagsalubong silang dalawa sa ere at biglang lumiwanag…

Mama Jam: Aaaahhhh…. Nakakabulag naman tong liwanag…

Nung humupa yung kakaibang liwanag, naiwan na lang na nakatayo si “boses” habang nakaratay si Death Afro…

Boses: Tapos na ang laban Death Afro…
Death Afro: Sa tingin ko nga… Obvious ba? (ubo) Pero paano mo nagawang talunin ang aking kapangyarihan? (ubo)
Boses: Simple lang yan… Napansin ko lang na hindi basta-bastang napapagalaw ng isang ordinaryong tao ang kanyang mga buhok pero nung nakita kong maraming kuto pala ito, nalaman ko ang sikreto neto… Yung mga kuto ang kumokontrol sa iyong buhok… Kaya ang ginawa ko, bago pa man dumikit ang mga kuto mo sa akin, binuhusan ko ang aking buong katawan ng anti-kuto na shampoo…
Death Afro: Hahaha… Magaling… Magaling… Hindi ko man lang napansin kung paano mo ginawa yon… Sadyang napakalakas nga ng aking kalaban… (ubo)
Boses: Sabihin mo sa akin, bakit nyo kinadena ang baklang to, anong kasalanan ang ginawa nya? (sabay turo kay Mama Jam)
Death Afro: Wala siyang kasalanan…
Mama Jam: Sinasabi ko na nga ba e! Planted ang ebidensya! Bakit gusto nyo akong ikulong?!
Death Afro: Hindi ka naming ikukulong (ubo) Papatayin ka namin…
Mama Jam: (gasp)
Boses: Papatayin? Sino ang nag-utos?
Death Afro: Si Boy Paa… (ubo) Binayaran nya kami ng malaking halaga para iframe-up siya…
Mama Jam: SI BOY PAA?! Hindi ko akalaing magagawa niya ito! Sumosobra na siya!
Boses: Bakit? Sino ba yung Boy Paa na yan?
Mama Jam: Matagal ko ng kilala si Boy Paa… Siya ang numero unong kakumpitensya ko sa Parlor business… Napansin ko nga na maraming Beauty Parlor ang biglang nagsisisara o kaya’y biglang hinuhuli dahil may benta silang illegal na foot powder… Siya rin ba ang may kagagawan nun?
Death Afro: (ubo) Siya nga…
Boses: Kailangang mapigilan kaagad si Boy Paa… Kung hinde, mamomonopolize nya ang buong parlor business…
Mama Jam: Ang sama naman ni Boy Paa… Syanga pala, ako si Mama Jam, ikaw pogi? Anong pangalan mo?
Death Afro: Ako si Death Afro…
Mama Jam: Hindi ikaw ang kausap ko!
Boses: Ahhh… ako nga pala si Rei…. (o ayan may pangalan na siya)
Mama Jam: Sama ka na sa akin dun sa parlor ko, gagamutin natin yang mga sugat mo
Rei: Ah ito? Wala to, gasgas lang yan…
Mama Jam: Uhmmm…. Hindi ka ba nagugutom? Wag kang mag-alala hindi kita type kaya hindi kita tsatsansingan… (sabay kindat)
Rei: (eeewww) Well… kungsabagay, nagugutom na nga ako… Sama na rin natin tong si…

Hindi na gumagalaw si Death Afro…

Mama Jam: Hayaan mo na yang mabulok diyan… Baka maghasik lang ng lagim yan dun…
Rei: Sabi mo e…

At iniwan na nga nila Rei at Mama Jam si Death Afro…



to be continued

posted by:
zuluwashere