GWAPOMAN (CHAPTER 8)

Chapter 8 (Rowee)

Ang nakaraan: Tinalo ni Rei si Death Afro gamit ang kanyang Eternal Beauty at pagkatapos nun, niyaya siya ni Mama Jam pabalik sa kanyang parlor upang makabawi naman kay Rei ng kahit konti.

Pagkarating nila sa Parlor…

Mama Jam: Aaaarrrggghhh! Ang parlor ko! Waaaaahhhh!!!
Rei: Awts… Sila ba sumira nito? Lupit nila ah…
Mama Jam: (pinulot ang isang piraso ng basag na salamin at sa kanyang galit ay na grip nya ito) Nanalo si Boy Paa ngayon pero hindi pa tapos ang laban…

Nang biglang may sumigaw sa likod…

Boses 2: Mama Jam! Mama Jam! Nagbalik ka na!

Napalingon si Mama Jam at si Rei.

Nakita nila ang isang mala-bondying na tao ang biglang lumapit galing sa isang madilim na sulok…

Mama Jam: Little Rowee! Mabuti naman at walang masamang nangyari sa iyo!
Rei: (little ba ang tawag diyan?)
Little Rowee: Kung nandito lang ako nun, sana naipagtanggol pa kita… (niyakap si Mama Jam)

Nakita ni Little Rowee si Rei…

Little Rowee: Mama, sino yan? Boyfriend mo?
Rei: Boyfriend? Ako?! Neva!
Mama Jam: Hinde anak, siya ang nagligtas sa akin mula sa mga Royal Guards.
Little Rowee: Ah ganun ba? O yang kamay mo, dumudugo, sandali lang at kunin ko yung first aid kit…
Mama Jam: Salamat…

Exit si Little Rowee, kinuha ang first aid kit…

Rei: May anak ka pala… bait ah…
Mama Jam: Actually, inampon ko lang si Little Rowee… Survivor yan ng Baby Oil Genocide… E naawa ako sa kanya kaya yun, kinupkop ko at tinuruan ko ng mga beautifying techniques…
Rei: I see… Syanga pala, ano ba ang itsura ni Boy Paa?
Mama Jam: Isa siyang magaling na barbero, mayaman, pangit… pero ang pinaka kakaibang katangian nya ay yung isang paa niya…
Rei: Bakit? Anong meron sa isang paa niya? May alipunga ba?
Mama Jam: Hinde, gawa ito sa ginto…
Rei: Ginto?! Paano nangyari yun?
Mama Jam: Aksidente yata… Hindi ko alam…

Bumalik ulit tayo sa gitna ng kagubatan.
Biglang may mga matang dumilat… Ang mga mata ni…

Royal Guard3: Huh! Buhay pa ako! (bumangon) Hoy! Saan na kayo?! Bakit nyo ako iniwan?! (pasigaw na sabi ni Royal Guard3)

Nakita ni Royal Guard3 si Death Afro…

Death Afro: Hoy… Tulungan mo ako… (naghihingalo)
Royal Guard3: Yun lang pala eh… (pinulot ang kanyang sandata)
Death Afro: A-anong gagawin mo?
Royal Guard3: Para matigil na yang kahirapan mo… (tinaga sa ulo si Death Afro)

Royal Guard3: Eh kung nagpatay-patayan ka kanina, e di buhay ka pa sana… Hehehe…
(pinulot ang supot ng ginto) Buti na lang hindi nila nakita ito… Masosolo ko na ito… Hehehe…

Nang biglang…

Boses na naman: Sino ka?
Royal Guard3: Huh? Ako dapat ang magtatanong! Sino ka?
Boses na naman: Saan nanggaling ang liwanag na nakita ko kanina? Nararamdaman ko… Napakalakas…
Royal Guard3: Huh… Ako ba ang tinutukoy mo? Umalis ka dito, ngayon din kung ayaw mong masaktan!
Boses na naman: Ikaw?
Royal Guard3: Ayaw mong umalis ha? Tikman mo to! (inatake si “boses na naman”)
Boses na naman: (hindi man lang natinag) Yan lang ba ang kaya mo?
Royal Guard3: Hindi… (tumakbo palayo)
Boses na naman: Etong sa iyo! INFINITE BEAUTY!

(lumiwanag ulit ang paligid)